विदेश जानुपर्ने अवस्था शून्यमा पुर्‍याउँछु : श्रममन्त्री अर्याल – Pardafas.com

ByRocket Reporter

३ माघ २०७९, मंगलवार १०:३० ३ माघ २०७९, मंगलवार १०:३० ३ माघ २०७९, मंगलवार १०:३०

नवनियुक्त श्रम, रोजगार तथा सामाजिक सुरक्षामन्त्री डोलप्रसाद अर्यालले बाध्यकारी वैदेशिक रोजगारी अन्त्य सरकारको प्राथमिकता रहेको बताएका छन्। श्रममन्त्रीको शपथपछि मन्त्रालयमा पदवहालीका क्रममा सञ्चारकर्मीसँग उनले नेपालीहरूलाई विदेश जानुपर्ने अवस्था न्यूनीकरण गरेर शून्यमा पुर्‍याउने बताएका हुन्।

उनले नेपालमै रोजगारी सिर्जना गर्ने प्रतिबद्धता व्यक्त गरे। ‘नेपाली नागरिकले जबसम्म स्वदेशमै आत्मसम्मानसहितको रोजगार पाउँदैनन्, तबसम्म देशको विकास कल्पना बाहिरको हुन्छ,’ उनले भने।

स्वदेशमै रोजगारीका पर्याप्त अवसर सिर्जना नभएसम्म वैदेशिक रोजगारी बाध्यात्मक रहेको उनले बताए। वैदेशिक रोजगारीमा जाने श्रमिकलाई दक्ष बनाएर पठाउनेमा आफ्नो ध्यान केन्द्रित हुने उनको भनाइ छ। ‘दक्ष भएर विदेश नजाँदासम्म श्रमिकले दुःख पाइरहेको अवस्था छ,’ उनले भने, ‘त्यसको निराकरणका लागि मैले काम गर्छु।’

मन्त्रालयले समन्वय गरेर स्वदेशमा पर्याप्त मात्रामा रोजगारी सिर्जना गरिने मन्त्री अर्यालको भनाइ छ। ‘बाध्यताले नभई चाहेर मात्र विदेश जाने अवस्था सिर्जना गर्ने मेरो लक्ष्य हो,’ उनले भने।

 


(Source: Pardafas)

Leave a Reply

Your email address will not be published. Required fields are marked *