डेढ महिनादेखि यूकेमा बेपत्ता किरण पुन मृत भेटिए – Pardafas.com

ByRocket Reporter

३ माघ २०७९, मंगलवार ०९:४७ ३ माघ २०७९, मंगलवार ०९:४७ ३ माघ २०७९, मंगलवार ०९:४७

बेलायतमा डिसेम्बर १ देखि हराइरहेका नेपाली युवा किरण पुनको शव प्रहरीले फेला पारेको जनाएको छ। बेलायतको ह्याम्पसायर प्रहरीले सोमबार दिएको जानकारीअनुसार ३६ वर्षीय पुनको शव ब्रिक फिल्ड्स कन्ट्री पार्क अल्डरसटमा आइतबार करिब दिउँसो ३ आसपासमा फेला परेको थियो।

डिसेम्बर १ तारिख साँझ ७:३८ बजे अल्ट्रासटको इन्टपार्क सडकमा अन्तिम पटक देखिएको र त्यसपछि वेपत्ता भएका पुनको खोजीमा बेलायत प्रहरीले डेढ महिना बिताएको उल्लेख गरेको छ। ह्याम्पसायरस्थित जघन्य अपराध शाखाका प्रमुख आडम इडवार्डसले किरणलाई के भएको थियो भन्नेबारे बुझ्न र उनको परिवारलाई यो दुखद् क्षणबारे जवाफ दिन प्रहरी प्रशासनले मेहनत गरिरहेको बताए।

प्रहरी औपचारिक रूपमा शव किरणको भए नभएको पहिचान हुन बाँकी भए पनि किरणकै हुनसक्ने अनुमान गरेको छ। प्रहरीले परिवारलाई यसबारेमा जानकारी दिएको बताएको छ। परिवारलाई प्रहरीका विशेष दक्षता भएका अधिकृतले सहयोग गरिररहेको बताइएको छ।

पुन हराएपछि अनुसन्धानका क्रममा ह्याम्पसायर प्रहरीले पाँच जनालाई पक्राउ गरेर अनुसन्धान गरिरहेको थियो। प्रहरीले धटनास्थलका वरिपरीका धरमा आफ्नो टीम पठाएर धटनाबारे स्थानीयसँग कुनै प्रमाण वा अन्य कुनै जानकारी भए लिने पनि ह्याम्पसायर प्रहरीले बताएको छ। यसका साथै घटनाबारे कोही कसैलाई केही जानकारी भए प्रहरीको आपतकालीन सेवामा सञ्चालित १०१ मा फोन गरी बताइदिन अनुरोध पनि गरेको छ।

 


(Source: Pardafas)

Leave a Reply

Your email address will not be published. Required fields are marked *