४०औं पर्यटनमन्त्री बनेका सुदन किरातीकाे यस्ताे छ राजनीतिक पृष्ठभूमि

ByRocket Reporter

३ माघ २०७९, मंगलवार ०७:४९ ३ माघ २०७९, मंगलवार ०७:४९ ३ माघ २०७९, मंगलवार ०७:४९

नेकपा (माओवादी केन्द्र) का पोलिटब्यूरो सदस्य सुदन किराती मुलुकको ४०औं संस्कृति, पर्यटन तथा नागरिक उड्डयनमन्त्री बनेका छन्।

पर्यटन मन्त्रालयको विवरणमा वि.सं. २०३४ मा डा हर्क गुरुङ पर्यटन राज्यमन्त्री भएका थिए । त्यसयता मुलुकले ४० जना पर्यटनमन्त्री पाइसकेको छ। वि.सं. २०३५ मा भोजपुरको अ‍ेख्रेमा बुबा हर्कबहादुर राई र आमा रक्षा कुमारीको कोखबाट जन्मेका राई भोजपुरबाट तीन पटक (वि.सं. २०६४, २०७४ र २०७९) मा सांसद बनेका थिए।

भुइँमान्छेको पहिचान बनाएका राई स्थानीय परिवेषमा घुलमिल हुने र जनताको सुख दुःखमा साथसाथै रहने कार्यशैलीले जनतामाझ स्थापित छन्। सीधा र स्पष्ट कुरा राख्ने किराती राजनीतिमा पनि निकै काबिल छन्। राजनीतिक यात्रामा पदीय जिम्मेवारीको इमानदारिता, संसदीय यात्रामा जनताको जिम्मेवारीतालाई कुशलतापूर्वक भूमिका निर्वाह गरेका किराती जनजाति सांसदमा बेग्ले लवज र जनतासँग घुलमिल भएर जीवन्त अभ्यासले उनको राजनीतिक यात्रालाई ओझिलो बनायो।

पार्टीमा राम्रो प्रभाव राख्ने नेता भएकाले पनि सुदन किराती अघिल्लो पटक नै मन्त्री बन्ने चर्चा थियो। गत मंसिर ४ गते सम्पन्न निर्वाचनमा भोजपुरबाट प्रतिनिधि सभामा निर्वाचित भएपछि किरातीको झनै चर्चा भयो।

गत पुस १० मा माओवादी केन्द्रका अध्यक्ष पुष्पकमल दाहाल ‘प्रचण्ड’को नेतृत्वमा नयाँ सरकार गठन भएपछि तत्कालीन पर्यटनमन्त्री जीवनराम श्रेष्ठ ३९औं पर्यटनमन्त्रीका रूपमा १८३ दिन काम गरेर बिदा भएका थिए।

पर्यटनमन्त्रीका रूपमा मन्त्री किरातीलाई कोभिड–१९ (कोरोना भाइरस) महामारीले शिथिल बनेको मुलुकको पर्यटन क्षेत्रलाई चलायमान बनाउनेदेखि पर्यटन तथा हवाई पूर्वाधार र सेवा सुदृढीकरणका लागि नीतिगत सुधार र रणनीतिक कार्ययोजना बनाउने जिम्मेवारी छ। सरकारले पर्यटन पूर्वाधारसहित समग्र विकासका लागि पर्यटन दशक (सन् २०२३ देखि २०३२) को अवधारणा अघि सार्दै रणनीतिक कार्ययोजनाको रूपरेखा सार्वजनिक गरिसकेको छ।

भ्रमण दशकको प्रभावकारी कार्यान्वयनदेखि पर्यटन क्षेत्रको नीतिगत सुधार गरेर आर्थिक समृद्धिको आधारमध्येको पर्यटन क्षेत्रको विकास र प्रवद्र्धनमन्त्री किरातीको मुख्य जिम्मेवारी हुनेछ।


(Source: Pardafas)

Leave a Reply

Your email address will not be published. Required fields are marked *