विमान दुर्घटनापछि उद्धारका लागि दुई सयभन्दा बढी विशेष फौज परिचालन– सेना

ByRocket Reporter

१ माघ २०७९, आईतवार १२:४६ १ माघ २०७९, आईतवार १२:४६ १ माघ २०७९, आईतवार १२:४६

नेपाली सेनाले काठमाडौं–पोखरा उडानमा रहेको यती एयरलाइन्सको विमान दुर्घटनापछि तत्काल खोजी तथा उद्धारमा दुई सयभन्दा बढी विशेष फौज परिचालन गरेको जानकारी दिएको छ।

विमान दुर्घटना भएको सूचना प्राप्त हुनासाथ त्यहाँ तैनाथ खोज तथा उद्धार कार्यमा तालिमप्राप्त दुई सयभन्दा बढी विशेष फौज परिचालन गरिएको नेपाली सेनाका प्रवक्ता कृष्णप्रसाद भण्डारीले जानकारी दिए।

नेपाल प्रहरी, सशस्त्र प्रहरी बल नेपाल तथा स्थानीय अन्य संघसंस्था र निकायको समन्वयमा सेनाले उद्धार कार्य गरिरहेको उनले बताए। विमान अप्ठेरो खाेँचमा दुर्घटना भएकाले सेनासहितका सुरक्षाकर्मीले तत्काल आगो निभाउने र छरिएर रहेका शवलाई डोरी, भर्‍याङ र विशेष उपकरणको सहयोगमा निकाल्ने काम गरिरहेको छ।


(Source: Pardafas)

Leave a Reply

Your email address will not be published. Required fields are marked *