गुजरातबाट कैलाली आउँदै गरेको बस लखनउमा दुर्घटना, तीन नेपालीको मृत्यु (नामावालीसहित)

ByRocket Reporter

२५ पुष २०७९, सोमबार ०६:५४ २५ पुष २०७९, सोमबार ०६:५४ २५ पुष २०७९, सोमबार ०६:५४

नेपाली यात्रु चढेको बस गएराति भारतको लखनउ नजिक दुर्घटना भएको छ। ट्रकसँग ठोक्किएर भएको दुर्घटनामा बसमा सवार तीन यात्रुको मृत्यु भएको जिल्ला प्रहरी कार्यालय कैलालीका प्रवक्ता वेदप्रकाश जोशीले जानकारी दिए।

मृत्यु हुनेमा टीकापुर नगरपालिका क्षेत्र र आसपासका ५५ वर्षीय चन्द्र साउद, ४५ वर्षीय ललीत साउद र २० वर्षीया निर्मला बोहरा रहेको प्रवक्ता जोशीले बताए।

उनले भने, ‘सीमापारी भारतीय प्रहरी (कोतवाली)ले दिएको सूचनामा यी तीन जनाको मृत्यु भएको प्रारम्भिक खबर आएको छ, घटनाको थप विवरण आउन बाँकी छ।’

उक्त दुर्घटनामा अन्य नेपाली यात्रु घाइते भएको हुनसक्ने बताइएको छ। भारतको गुजरातबाट कैलालीको टीकापुरतर्फ आउँदै गरेको उक्त बस गएराति लखनउदेखि झण्डै ३० किलोमिटर नेपालतर्फको दूरीमा दुर्घटनामा परेको जनाइएको छ।

नेपाली यात्रुका लागि भारतका विभिन्न शहरमा आवागमन गर्न सीमापारीबाट भारतीय बस आफूखुसी ढंगले चलाउने गरिएको जनाइएको छ।


(Source: Pardafas)

Leave a Reply

Your email address will not be published. Required fields are marked *