घानाले मिस गर्यो पेनाल्टी – Saja Khabar

ByRocket Reporter

१६ मंसिर २०७९, शुक्रबार १५:३५ १६ मंसिर २०७९, शुक्रबार १५:३५ १६ मंसिर २०७९, शुक्रबार १५:३५

काठमाडौं- घानाले पेनाल्टी मिस गरेको छ। खेलको २० औं मिनेटमा पाएको पेनाल्टी उरुग्वेका गोलरक्षकले रोकेका हुन्। उरुग्वेसँग अग्रता बनाउने सुनौलो मौका घानाले गुमाएको छ। किपरले नै फउल गरेपछि घानाले पेनाल्टी पाएको थियो।

त्यस्तै कतारमा जारी २२ औं संस्करणको विश्वकप फुटबलको समूह चरणको अन्तिम खेलमा सुरुवाती अग्रता लिएको पोर्चुगललाई दक्षिण कोरियाले १ -१ गोलको बराबरीमा रोकेको छ । पोर्चुगलका रिकार्डो होर्ताले ५ औं मिनेटमा गोल गर्दै अग्रता बनाएका थिए ।

खेलको २६ औ मिनेट मा कोरियाले गोल गदै खेल बराबरीमा जारी छ । यसअघिका दुई खेल जितेको पोर्चुगल नकआउट चरणमा प्रवेश गरिसकेको छ।पोर्चुगल र कोरियाबीचको खेल एजुकेशन सिटी रंगशालामा नेपाली समयअनुसार राति ८ः४५ बजे देखि शुरु भएको हो ।

पोर्चुगल लगातार दुई खेल जित्दै अन्तिम १६ मा पुगिसकेको छ । अन्तिम १६ मा स्थान बनाइसकेको पोर्चुगल समूह विजेता बनेर अघि बढ्न चहान्छ । दक्षिण कोरियाविरुद्ध बराबरीको नतिजा नै पोर्चुगलाई समूह विजेता बन्न पर्याप्त हुनेछ । यो अवस्थाका बीच पोर्चुगल आफ्नो खेलमा जित निकाल्ने लक्ष्यमा हुनेछ ।

दक्षिण कोरियासँग पराजित भएपनि उरुग्वे र घानाले बराबरी खेलेमा पनि पोर्चुगल समूह विजेता बन्नेछ ।टोलीसँग डिओगो कोस्टा, जोआओ क्यान्सेलो, डिओगो डालोट, रुबेन डायस, राफेल गुरेइरो, पेपे, एन्टोनियो सिल्भा, विलियम कार्भाल्हो, ब्रुनो फर्नान्डेस, जोआओ मारियो, रुबेन नेभेस,

म्याथियस नुनेस, जोआओ पाल्हिन्हा, बर्नाडो सिल्भा र भिटिन्हा, जोआओ फेलिक्स, रिकार्डो होर्टा, राफयल लियो, गोन्कालो रामोस, क्रिस्टियानो रोनाल्डो र आन्द्रे सिल्भा छन् । दक्षिण कोरियाविरुद्ध प्रशिक्षक फर्नान्डो सान्तोषले सिनियर खेलाडीलाई विश्राम पनि दिन सक्नेछ ।

दक्षिण कोरिया पोर्चुगललाई स्तब्ध पारेर अघिल्लो चरणमा पुग्न चहान्छ । कोरियाको लागि भने नकआउट चरणमा पुग्नका लागि पोर्चुगललाई हराएर मात्र पुग्दैन अर्को खेलमा घानाले उरुग्वेसँग बराबरी वा उरुग्वेले घानालाई हराउनुपर्नेछ । कोरिया र उरुग्वेले आफ्नो खेल जिते दुवैको समान ४ अंक हुनेछ र यस्तोमा गोलअन्तर निर्णायक हुनेछ ।

यसअघिको दुई संस्करणको समूह चरणबाट बाहिरिएको दक्षिण कोरिया यसपल्ट त्यो विगत दोहो¥याउन चाहदैन । दक्षिण कोरियाले पछिल्लोपटक २०१० मा समूह चरण पार गरेको थियो ।दक्षिण कोरियासँग किम स्युङ–ग्यु, किम मिन जे, किम योङ ग्वोन, क्वोन क्युङ वोन, चो यु मिन, किममुन ह्वान,

युन जोङ ग्यु, किम ताइ ह्वान, किम जिन सु, होल चुल, जोङ वु योङ, सान जुन हो, पाइक सुङ हो, ह्वाङ इन बुम, लि जेसुङ, क्वोन चाङ हुन, ज्योङ वु योङ, लि काङ इन, ना साङ हो, सङ मिन क्यु, सन ह्युङ मिन, ह्वाङ यी जो र चो ग्वी सुङ छन् ।

यि दुई टोली हालसम्म एकपटक प्रतिस्पर्धा दक्षिण कोरिया विजयी भएको छ । सन् २००२ मा घरेलु भुमिमा आयोजना भएको विश्वकपमा दक्षिण कोरियाले पोर्चुगललाई समूह चरणमा १–० ले पराजित गरेको थियो । त्यसबेला पार्क जि सुङले निर्णायक गाेल गरेका थिए ।

त्यसयता यि दुई टोलीबीच पहिलोपटक प्रतिस्पर्धा हुन लागेको हो । दक्षिण कोरिया उक्त जितलाई निरन्तरता दिने लक्ष्यमा रहँदा पोर्चुगल उक्त हारको बदला लिने सोचमा हुनेछ ।

Leave a Reply

Your email address will not be published. Required fields are marked *