इक्वेडरलाई २-१ ले पराजित सेनेगल नकआउट चरणमा – Saja Khabar

ByRocket Reporter

१३ मंसिर २०७९, मंगलवार १७:०४ १३ मंसिर २०७९, मंगलवार १७:०४ १३ मंसिर २०७९, मंगलवार १७:०४

फिफा विश्वकप कतार २०२२ अन्तर्गत सेनेगल समूह ए को उपविजेता बन्दै नकआउट चरणमा प्रवेश गरेको छ । समूहको अन्तिम तथा निर्णायक खेलमा इक्वेडरलाई २-१ ले पराजित गर्दै सेनेगल अन्तिम १६ मा स्थान बनाउन सफल भयो । सेनेगल यस विश्वकपमा नकआउट चरण पुग्ने पहिलो अफ्रिकी राष्ट्र बनेको छ ।

पहिलो हाफको अन्त्यतिर सेनेगलले पेनाल्टीमा अग्रता लिएको थियो । दोस्रो हाफमा इक्वेडर खेलमा फर्कंदै नकआउट चरण पुग्ने सम्भावना जीवित बनाएको थियो । तर कप्तान कालिडु कौलीबालीले गोल गर्दै सेनेगललाई अघि बढाए ।खलिफा रंगशालामा मंगलबार इस्माएला सारले खेलको ४४ औं मिनेटमा पेनाल्टीमा गोल गर्दै अग्रता दिलाएका थिए ।

पिएरो हिन्कापीले पेनाल्टी क्षेत्रभित्र फल गरेपछि रेफ्रीले दिएको पेनाल्टीमा सारले गोल गरे ।दोस्रो हाफको ६८ औं मिनेटमा इक्वेडरका लागि मोइसेस काइसेडोले बराबरी गोल फर्काए । कर्नरमा हेडर डिफ्लेक्ट हुँदै अनमार्क रहेका काइसेडोको खुट्टामा आएपछि उनले सहजै गोल गरे ।

तर सेनेगलले दुई मिनेटपछि नै पुन: अग्रता लियो । कालिडु कौलीबालीले सेटपिसको रिबाउन्डमा गोल गर्दै सेनेगललाई अघि बढाए । फ्रिकिकमा रिबाउन्ड भएको बललाई उनले पेनाल्टी क्षेत्र भित्रबाट टप कर्नरमा गोल गरेका थिए ।यस समूहबाट नेदरल्यान्ड्स अपराजित रहँदै समूह विजेताको रुपमा नकआउट चरणमा प्रवेश गर्यो ।

अन्तिम खेलमा कतारलाई पराजित गर्दै डच टोलीले ३ खेलमा ७ अंक बनायो । सेनेगलले ३ खेलमा २ जितसहित ६ अंक जोड्दै दोस्रो स्थान हासिल गर्यो । इक्वेडर ४ अंकसहित तेस्रो तथा कतार विना कुनै अंक पुछारमा रहयो ।त्यस्तै २२औं संस्करणको फिफा विश्वकप फुटबलको आयोजक राष्ट्र कतारले लगातार तेस्रो हार बेहोरेको छ ।

आज मंगलबार राति भएको समूह ‘ए’को खेलमा पाहुना टोली नेदरल्यान्ड्सले कतारलाई उसकै घरेलु मैदानमा २–० ले हराएर आफू भने समूह विजेता बन्दै अन्तिम १६ मा प्रवेश गरेको छ ।अन्तिम खेलअघि यस समूहबाट नेदरल्यान्ड्स, सेनेगल र इक्वेडर गरी ३ वटै टोलीलाई अन्तिम १६ मा जाने बाटो खुला भएकोमा नेदरल्यान्ड्सले आयोजक कतारलाई एकपक्षीय रूपमा

पराजित गर्दै आफू नकआउट चरणमा प्रवेश गर्न सफल भयो, त्यो पनि समूह विजेता बनेर ।समूह ‘ए’का २ वटै खेल एकै समय राति ८ः४५बजेबाट सुरु भएकोमा कतार र नेदरल्यान्ड्स अल बेत रंगशालामा खेलेका थिए । जहाँ नेदरल्यान्ड्सले पहिलो र दोस्रो हाफमा १–१ गोल गरेर खेल जित्यो । नेदरल्यान्ड्सका लागि खेलको २६औं मिनेटमा युवा खेलाडी कडी गाक्पोले गोल गरेर अग्रता दिलाए ।

उनको गोलमा क्लासेनले असिस्ट गरेका थिए । गाक्पोले विश्वकपमा पहिलो खेलबाटै तेस्रो खेलसम्म लगातार ३ खेलमा १–१ गोल गरेका छन् । उनले पहिलो खेलमा सेनेगलविरुद्ध हेडिङ गोल गर्दा दोस्रो खेलमा इक्वेडरविरुद्ध लेफ्ट फुटले गोल गर्दा आज कतारविरुद्ध राइट फुटले गोल गरे ।

तेस्रो खेलमा जित निकालेपछि नेदरल्यान्ड्स ३ खेलबाट ७ अंक जोडेर समूह विजेता बन्यो । ऊ अपराजित रहँदै २ खेलमा जित निकाल्दै एक खेलमा भने बराबरी गर्यो । सन् २०१८ को विश्वकपमा छनौट नै नभएको नेदरल्यान्ड्स यसपटक ठीकठाक अन्तिम १६ प्रवेश गर्न पनि सफल भएको छ ।

यता, कतारले भने आयोजक राष्ट्र भएर पनि समूह चरणका ३ वटै खेल हारेर शतप्रतिशत हारका साथ विश्वकप यात्रा आफ्नै घरमा सिध्याएको छ । कतारले यसपटक पहिलोपटक विश्वकप खेलेको हो, त्यो पनि आफैंले आयोजना गरे । यस विश्वकपमा कतारले जम्मा १ गोल हान्यो ।

कतारको विश्वकप यात्रा निकै खराब र बिर्सनलायक बन्यो । उसले इतिहासकै सबैभन्दा महँगो र भव्य विश्वकप त आयोजना गर्यो तर उसले प्रतियोगितामा ३ खेलमा एउटा पनि जित्न सकेन । उसले बराबरी पनि खेल्न सकेन । ३ वटै खेलमा पराजय भोग्दै उसले आफैंले आयोजना गरेको ऐतिहासिक विश्वकपको सुनौलो यात्रामा निकै बिजोगपूर्ण अवस्थाबाट अन्त्य गरेको छ ।

Leave a Reply

Your email address will not be published. Required fields are marked *